Bertsoak, barruak puntuz puntu jazten dituen bezala; puntuz puntu jantzi nahi du, PUNTUTAN dendak azala ere.

Bertsoak, hitzak, esaerak… hizkuntza bera oinarri hartuta sortuko diren diseinuekin marraztuko ditugu erropak. Puntuak harilkatuz koloreztatuko ditugu hitzak.

Bertsolariak, puntuz puntu osatzen dituzte bertsoak. Esaera zahar eta berriek, hitzen harian izkutatzen dituzte puntuak. Jostunak, puntuz puntu harilkatzen ditu ohialak. Puntuz puntu osatuko du, PUNTUTAN dendak, bere bidea.

2011ako udazkenean sortu zuen Puntutanek bere lehen diseinua. Unai Elizasu bertsozale eta gaijartzailea da Puntutanen atzean den “jostuna”. Bestetik, Eneko Salaberria (@dixidu) da, Puntutanen diseinuak orrazteaz gain, Puntutani arnas eta argi indarra ematen diona.